Avion di Divi ku a kai tabata sobre kargá

Kuido pa Seguridat pa Boneiru i Kòrsou ta faya

E Hunta di Investigashon pa Seguridat (De Onderzoeksraad voor Veiligheid) a hasi investigashon di e aksidente di un avion di Divi Divi Air riba 22 di òktober 2010. Den e aksidente aki e piloto a pèrdè su
bida. E nuebe pasaheronan a sali ileso for di e avion i a keda pikí ku na botonan ku tabata den besindario. E avion di krèsh i e kurpa di e piloto a keda saká despues for di laman. E resultadonan di e investigashon ta duna un bista manchá di e seguridat di aviashon na Kòrsou i di e reskate na Boneiru. E Hunta mester a saka poko konklushon. Asina a sali na kla ku e avion no por a mantené un vuelo
horizontal despues ku e motor a kai afó, a konsekuensha di sobrekarga. E avion tabatin 9% di sobre kargo. Ku kontinuashon di e vuelo bou di e sirkunstanshanan aki, e piloto a tuma un rísiko inakseptabel. Mas leu e Hunta di Investigashon ta mustra ku Divi Divi tabata uzando un stèndert di peso di pasahero muchu abou. For di un sondeo di vuelonan hasí a sali na kla ku e pesonan di start i
aterisahe máksimo permití tabata keda eksedé sistemátikamente.

Tambe ta sali na kla den e investigashon ku e gerensia di Divi Divi no a tene sufisiente supervishon riba e seguridat di ehekushon di buelo di nan avionnan. Tambe ta mustra ku e kontroladó di aviashon sivil di Antia Hulandes dje tempu ei, e Hunta di Aviashon (Directie Luchtvaart), tabata tin supervishon limitá riba e maneho di empresa Divi Divi Air. Dor di esaki no tabata tin sufisiente atenshon pa e riesgonan di sobrekarga i asina e situashon peligroso riba 22 di òktober 2010 a surgi.

E Hunta ta remarká ku den un audit ku a keda hasí pa e organisashon internashonal di aviashon sivil (ICAO) den 2008 enkuanto di e regulashon di e aviashon sivil den Antia Hulandes i e supervishon riba
e ehekushon korekto di esaki, a konstatá hopi desviashon di e stèndert i indikashonnan di ICAO. Pa e motibu aki, na 2009, un programa di akshon a keda trahá pa korekshon. Aunke e Hunta no a hasi
investigashon na e progreso di e programa di korekshon pa motibu di e audit di ICAO, e Hunta ta hopi prekupá tokante di e supervishon di e aviashon sivil na Kòrsou.

Enkuanto di e alarma i ousilio a sali na kla ku e kordinashon entre e diferente servisionan ouksiliar tabata masha limitá dor ki kua esakinan no a funshoná optimal. E Commando Plaats Incident (CoPI) , ku segun e plan di kalamidat pa teritorio insular di Boneiru ku mester a tuma e kordinashon di e servisionan ouksiliar riba dje, no tabata formá. Esunnan na mando no tabata prepará sufisiente pa nan tarea. Banda di esei e botonan di brantwer i di polis ya pa basta tempu kaba no ta disponibel.